Sesorah ngenani tirakatan malem pitulasan

            

Assalamualaikum Wr. Wb.

Ingkang kinurmatan bapak RT 02 RW 01. Bapak-Bapak , ibu-ibu ingkang minulya saha para wredha mudha ingkang kula tresnani.

Ingkang sepindhah, sumangga kita panjataken puja lan puji syukur dhumateng ngasanipun Gusti Ingkang Maha Kuwaos ingkang sampun paring kasehatan marang kita sedaya saengga kita saget kempal wonten acara punika tansah sehat wal’afiat. Salajengipun, kula aturaken sugeng rawuh wonten acara malam tirakatan kamardhikaan Indonesia ingkang kaping 69 ( suwidak sanga).

Bapak-ibu sarta sedherek-sedherek ingkang kinurmatan, kados sampun kita mangertosi sesarengan bilih rikala tanggal 17 Agustus 1945, Indonesia mbiyawaraaken kamardhikan. Para pemimpin bangsa punika wusananipun kasil maosaken teks proklamasi kamardhikan Indonesia lan gadhah cita-cita luhur inggih punika sila-sila wonten Pancasila.

Para bapak ibu lan wreda mudha ingkang satuhu kula urmati lan tresnani, ing acara tirakatan niki mangga kula lan panjenengan sedaya niti pirsa wonten ing jaman sak niki, kula rumaos prehatos lan kuwatos sanget bilih ing mbenjang menika kathah tiyang ingkang mboten nginurmatan kaliyan bangsa Indonesia. Tuladhanipun cah sekolah sing ora gelem sekolah menawi gelem kudu di tukokake sak panjalukane, ngno kuwi sing kudu di pirsani.

Para wreda mudha sing seneng karo bangsa liyane sampek bahasane tekan prilakune sing di tiru malah mboten seneng lan mboten bersyukur ing Indonesia, padahalipun indonesia menika negara ingkang subur, hawane resik, budhaya kang endah, akeh kewan-kewan lan wit-witan sing mboten di dhuweni negara liyane, lan isih akeh liyane. Namung ngapa akeh sing ora ngucapake syukur, mboten ngurmati negara lan para pejuang sing ngrebut, lan mamardhikan Indonesia tansah mboten dijajah melih? Padahal para pejuang niku menawi ngrebut bangsa Indonesia sampe nemani pati mboten wedi lan gelem ngorbanke jiwa raga kanggo negara lan rakyat. Mangga kita sedaya bareng – bareng ngowahi lan nresnani negara tansah ikhlas lan gelem jaga kabudayan lan liyane.

Bapak-ibu ingkang minulya, panjenengan kasuwun rawuh ing pahargyan punika, saperlu tirakatan, sesarengan nyenyuwun dhumateng Gusti Allah, mugi-mugi nagari Indonesia saklajenipun langkung sae tinimbang sakderengipun merdheka. Bapak-ibu, sumangga kamardhikan menika dipunisi kalihan pembangunan ugi watak nasionalisme ingkang katandur ing manah.

Wasana, cekap semanten atur kula. Bilih wonten klenta-klentu anggenipun kula matur, nyuwun pangapunten.

Wassalamualaikum Wr. Wb.